patta kanpa
daal say toota
joogi ke jhooli mein gira
aye joogi tu koun ?
kis jungle say aya hai tu ?
kis basti ka jaya hai tu ?
patay mein kaya daikha tu nay
batay ko kiyon choma tu nay
kiyon uss ko seenay say lagaya
kion yeah tairi gooud mein aya
nagri nagri ghoomnay wallay
aaye joogi - tu koun ?
aye patay, aye kanptay patay
kiyon yeah jogi, rumta joogi
jiss ke apni duniya ho gi
sapnoon mein khooya, matwala
bar mein kafni, kaan mein bala
bastiyoon say bachta katrata
veeranoon mein alakh jagata
iss ujree bagiyaa mein aya
jiss gaiyaa mein dhoop na saya
koye puraani peet nibaahay ?
kiyon yeah aik tujhee ko chahay ?
aye patay tu koun ?
na apnay ko pata janay
na khud ko jogi pehchanay
dono payaasay, dono hanpayain
ik dojay ke goud mein kanpain
dono ik doojay mein samaye
aye pattay tu koun ?
aye joogi tu koun ?
