Kaisi bhi ho is shakhs ki oqaat azizo
Insha ki ghanimat hay abhi zaat azizo
is shehr-e khirad main kahan miltey hain dewaane
paida tu karo is sey mulaqaat azizo
paband-e salasil hay, pe zindaan-e jaha.n main
rindaan-e jaha.n ki si karey baat azizo
hay mufli-o mohtaaj pe hum nay tu dekha
is ko ba dar-e qibla-e hajaat azizo
paya hay magar khaak basar eh'el-e talab main
utri ho jaha.n husn ki baraat azizo
is shakhs nay yoon koun sa maidaa.n nahi mara
bas ishq ki baazi main hoi maat azizo
us main bhi raha haath pe shiraza sukhan ka
ushshaaq k matlub ki ghazliyaat azizo
