Jaley tu jalaao gori
Peet ka alaao gori
Abhi na bujhaao gori
abhi sey bujhaao na
peet main bijog bhi hay
Kamna ka sog bhi hay
peet bura roog bhi hay
lagy tu lagaao na
gaiso'oo.n ki naganoo.n sey
bairanoo abhaganoo.n sey
joganoo.n baragnoo.n sey
khailti hi jao na
Aashiqoo.n ka haal pocho
karo tu khayyal pocho
aik do sawaal pocho
baat jo barhaao na
raat ko udaas dekhey
chand ko udaas dekhy
tumhain jo na paas dekhy
Aao paas aao na
roop rang maan dey de.n?
jee ka ye makaan dey de.n
kaho tumhain jaan dey de.n?
maang lo, rijhaao na
aur bhi hazar hoo.n gai
jo k dawe daar hon gai
aap pe nisaar hon gai
kabhi aazmaao na
sher main Nazeer tehrey
jog main Kabeer tehrey
kawai thay faqeer tehrey
Aur jee lagaao na!!!!
