Dill ishq main bepayaa.n, soda ho tu aisa ho
dariya ho tu aisa ho, sehra ho tu aisa ho
ik khaal-e saweeda main, pinhaai-e do alam
phaila ho tu aisa ho, simta ho tu aisa ho
Aay Qais junoo.n paisha, Insha ko kabhi dekha?
wehshi ho tu aisa ho, ruswa ho tu aisa ho
dariya ba hubab under, tufaa.n ba sahaab under
mehsh'r ba hijaab under, hona ho tu aisa ho
hum sey nahi rishta bhi, hum sey nahi milta bhi
hay paas wo baitha bhi, dhoka ho tu aisa ho
wo bhi raha baigana, hum nay bhi na pehchana
haan aay dill-e dewaana, apna ho tu aisa ho
is dard main kya kya hay, ruswaai bhi lazzat bhi
kanta ho tu aisa ho, chubta ho tu aisa ho
hum nay yehi manga tha, us nay yehi bakhsha hay
banda ho tu tu aisa ho, daata ho tu aisa ho
